Student

அன்னைத் தமிழாம் அருந்தமிழை என்றும்

இளமை மாறாது புதுப்பொலிவுடனும்

இலக்கிய நயத்துடன் எண் சுவையோடு

தெள்ளுத் தமிழின் வளம் காக்க

எம் மருதர் முத்தமிழ் மன்றமானது கல்லூரியில் செயல்படும் மாணவர் அமைப்புகளில் ஒன்று. இம்மன்றமானது 2020 – 2021 ஆம் கல்வியாண்டில் தமிழ்த்துறையால் தொடங்கப்பட்டது.

நோக்கம்

• மருதர் முத்தமிழ் மன்றம் மாணவியரின் படைப்பாற்றலையும் கலைத்திறனையும் வெளிக்கொணர்வதற்கு உருவாக்கப்பட்ட களம் ஆகும்.
• இலக்கிய ஆர்வத்தை செம்மைப்படுத்துதல், அறிவியல் சிந்தனைகளை எடுத்துணர்த்துதல், சமூகப் பார்வையை விரிவாக்குதல் என்ற முனைப்புடன் செயல்படும்.
• முத்தமிழின் இயல், இசை, நாடக என்னும் உரையோடு கலந்த இசையையும், நாடகம் கலையையும் வளர்ப்பதே இம்மன்றத்தின் நோக்கமாகும்.

செயல்பாடுகள்

• கவிதை, கட்டுரை, பேச்சு, பட்டிமன்றம் என போட்டிகள் வைத்து மாணவியின் பேச்சாற்றலையும் எழுத்தாற்றலையும், படைப்பாற்றலையும், கற்பனைத் திறனையும் வளர்க்கும் விதத்தில் இயங்கி வருகிறது.
• ஆண்டுதோறும் தமிழ் மன்றத்தின் மூலம் போட்டிகள் நடத்தி தமிழ் மொழியை வளர்த்து வருகிறது. அத்துடன் ஆண்டுமலராக 'மருத இளந்தளிர்' என்ற மலரின் பெயரில் துவங்கி கல்லூரியில் பயிலும் மாணவியரின் கவிதை, கட்டுரை, ஓவியம் என கலைத்திறனை புதுப்பித்து பொலிவுடன் வளர்த்து வருகிறது.

• இணையவழி மூலமாக பன்னாட்டுடன் இணைந்து கருத்தரங்குகள், பயிற்சிப் பட்டறைகள், சொற்பொழிவுகள் என பேச்சாற்றலையும் மொழிவளத்தையும் மேம்படுத்தி மாணவர்களுடன் மொழி ஆர்வலர்களையும் ஊக்கப்படுத்தி வருகிறது.